الاستاذ سات


تفعيل العضوية طلب كود تفعيل العضوية استرجاع كلمة المرور

العودة   الاستاذ سات > القســــم العــــام > منتدى الشـــــــــــــــعر و الادب


قصيدة جبر الخواطر

منتدى الشـــــــــــــــعر و الادب


إضافة رد
 
أدوات الموضوع
  #1  
قديم 29-07-2021, 10:20 PM
الصورة الرمزية الشاعر عبدالحميد
الشاعر عبدالحميد الشاعر عبدالحميد غير متواجد حالياً
استاذ نشيط
 




Rep Power: 14 الشاعر عبدالحميد is on a distinguished road
Talking قصيدة جبر الخواطر

 

على الله جبر الخواطر
حقيقه فعلا مش كلام.
عباده تنجى من المخاطر
وتزرع فى القلوب سلام.
كلمه حلوه تقولها ل امك
شكرآ ع الاكل الجميل.
هى مش طلباها منك
بس ليها اثر ودليل.
سيبها قاعده وقوم بنفسك
لم لو مره الغسيل.
اعمل شاي وقدمه ليها
بوس اديها
قولها كلام جميل.
هتسعدها وتجبر خاطرها
وهتسمع انغام دعائها
طالعه ع السما بقناديل.
وهتفرح انك حاسسها
ومقدر قيمة عاملها
هترتاح ويهون تعابها
حتى لو جبل تقيل.
ضحكه حلوه فى وش اختك
وشوية هزار ولعب.
طمنها بقربك وحضنك
وانك ليها اخ واب.
هاتلها في مره هديه
حتى لو شيبسي ولب.
عرفها انك امنها
وانها بسكر جنانها
محليه في عنيك الصعب.
هتغمرك في بحور حنانها
بشئ بسيط يجبر خاطرها
ويسعدها ويروق القلب.
مجامله
تقولها ل اخوك في لبسه
ايه الشياكه دى ياشقيق.
هتخليه واثق في نفسه
مقبل على يومه جريئ.
استشيره خد برأيه
اديله مساحه في حياتك.
هتريحه وتجبر خاطره
وتسعده ويسعد حياتك.
روح لأبوك ف يوم وقله
ربنا يعينك علينا.
هات ايديك ياحاج ابوسها
ياللى ديما بتراعينا.
عرفه قيمة شقاه
وانه سندك في الحياه
هتبسطه وتفرق معاه
ويحس انك مستقيم.
اصل ابوك نعمه كبيره
شايلك من حوجه وحيره
وكسره فى الدنيا الحقيره
ميحسهاش غير اليتيم.
جرب غير نمط حياتك
وابعد عن ام الروتين.
اتجنن مره غازل مراتك
وهى بتغسل المواعين.
إجرف ليها سيول مشاعرك
كأنكم اتنين مخطوبين.
دلعها فجر انوثتها
بكلمتين يكونوا رايقين.
ادخل المطبخ ساعدها
مش قله ابدآ ولا عيب.
اشكرها واديها تقديرها
هتجبرها وجراحها تطيب.
حتصبرها وتزيد طاقتها
وهيبقالك م السعد نصيب.
خلى البسمه رمز شفايفك
دى البسمه بتصفى نفوس.
خليك طاقه للي يقابلك
جبر الخاطر مش بفلوس.
دى كلمة شكرآ مجانآ
والله يعينك بالمجان
واثرهم ع النفس كنوز.
طب خد منى دهب ببلاش
صخر وقت بسيط ببلاش
توصل رحمك
بمكالمه والله يجوز.
قلب في دفاتر مركونه
واسأل عن صحبه منسيه.
اعزر برضه الناس مطحونه
ف الكلمه الحلوه مداويه.
اتغاضي على قد ماتقدر
دارى همومك بالتمثيل.
اجبر كل الناس ف خاطرها
دى بسيطه مهياش تهويل.
ومتسخفش وتعمل نبغه
وتقول قال انا بقصف جبهه
ده الاحراج احساسه تقيل.
رفقآ بالناس وبمشاعرها
متجرحش الناس في شعورها
اصل الناس دول مش تماثيل.
راضى الكل وخليك فاكر
إن الله رحمن ورحيم.
وإن عبادة جبر الخاطر
عند الله ليها اجر عظيم.
بقلمى

 




المصدر : منتدى الشـــــــــــــــعر و الادب - من الاستاذ سات
رد مع اقتباس
إضافة رد

مواقع النشر (المفضلة)

الكلمات الدلالية (Tags)
الخواطر , خبر , قصيدة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة غباء امين الصفتي منتدى الشـــــــــــــــعر و الادب 7 20-10-2015 11:23 PM
من اجمل الخواطر الرومانسيه hossam elshamy منتدى الشـــــــــــــــعر و الادب 3 09-06-2010 09:19 PM
قصيدة (((( فلسطين )))) مستر ديبو منتدى الشـــــــــــــــعر و الادب 2 08-05-2008 10:04 PM
«®°·.¸.•°°·.¸¸.•°°·.¸.•°®»كيف تكتب قصيدة«®°·.¸.•°°·.¸¸.•°°·.¸.•°®» [email protected] منتدى الشـــــــــــــــعر و الادب 0 22-12-2007 02:55 PM


الساعة الآن 01:59 AM.


Powered by vBulletin® Copyright ©2000 - 2021, Jelsoft Enterprises Ltd.
دعم Sitemap Arabic By

Privacy-Policy