عرض مشاركة واحدة
  #1  
قديم 07-11-2006, 12:46 PM
a7med100 a7med100 غير متواجد حالياً
استاذ متميز
 




معدل تقييم المستوى: 41 a7med100 will become famous soon enough a7med100 will become famous soon enough
افتراضي حاجة تضايق ..ربنا يهديهم

 

الســـلام عليكــــم و رحمـــــة اللـــــه و بركاتـــــــه
أخوانى / أخواتى فى الله
اتعودت معاكم دايما اننا أخوة فى الله
و علشان كده بكتب لكم الكلام ده
فى العيد
زارنا بعض الشباب من أقاربى
و رأيت أشياء أحزنتنى
الحقيقة
شفت شباب المسلمين غافلين
يا ترى النصر هيجى ازاى و احنا غافلين
رنة الموبايل أغنية؟؟؟
و كمان أغنية يسمعها كل واحد يتصل بيه ؟؟؟
ياه
تخيل كل واحد يتصل بيه يأخد سيئة واحدة
كام سيئة فى اليوم؟
و كام سيئة فى الشهر ؟
و ....
و فى العمر
يا ترى ليه بيحسب رصيد الكارت قد ايه
و ما حسبوش رصيد السيئات
الموبايل ملئ بالصور ...
مطربات و ممثلات و ....
و طبعا ملابسهم و شكلهم ....
كل مرة ينظر للموبايل بسيئة
و لو أصحابه أخدوا الموبايل يتفرجوا على الصور دى ؟؟؟
شوف بقى كام سيئة ؟؟؟
ازاى يا شباب المسلمين
ازاى يبقى المسلم كده ؟؟؟
و بعدين حانت صلاة المغرب
و طبعا لم يفكر واحد منهم أن يستأذن للذهاب للمسجد لصلاة المغرب؟؟؟
بصراحة ما قدرتش أسكت
كلمتهم!!!
طبعا رغم السخرية
اللى كنت عارفة انى سأجدها منهم
و الكلمة المعهودة
(خلاص يا عم الشيخ )
واحد قال: أصل رمضان خلص ؟؟؟
و التانى قال : هو أنا يعنى صليت العصر ؟؟؟
قالها بكل سهوله
و الله لو عرف العذاب اللى ممكن يجده
كان ارتجف خوفا من الله
على فرض الله
الذى تركه
و قى النهاية
واحد بس فيهم هو اللى اتكسف
و قام يصلى
فقام معه أخوه الصغير
و كان الأولى بيه يتكسف من ربنا
أصلهم لو صلوا قبل كده
زى رسول الله
صلى الله عليه و سلم
كانوا عرفوا معنى
" أرحنا بها يا بلال "
ما كانش واحد فيهم هيقدر يقعد بعد الأذان دقيقة
من غير ما يقوم يصلى
كانوا هيحرصوا على ثواب الجماعة
و ثواب الذهاب للمسجد
بس ازاى هيعرفوا المعانى ده
و هم طول اليوم فى معاصى
و هم طول النهار رصيدهم من السيئات بيزيد
من غير حتى ما يفكروا فيه
و يا ترى بيعملوا حسنة واحدة فى اليوم
و لا يمكن يمر اليوم كله
من غير حسنة واحدة
قال تعالى :
" كلا بل ران على قلوبهم ما كانوا يكسبون "
القلب خلاص
و اسفة انى بقولها
مات
من كثرة السيئات و الذنوب
عرفت ليه ما ينفعش نستهين بالذنب
ما تقولش أبدا دى حاجة بسيطة
كل حاجة كبيرة بتبدأ بحاجة بسيطة
لحد ما السيئات تكتر
و ساعتها
القلب يموت
مش كل قلب ينبض حى
القلب الحى هو اللى بيخشع لله
اللهم ارزقنا قلبا خاشعا لك
و عينا باكية من خشيتك
اللهم نسألك أن تهدينا و تهدى جميع المسلمين
إلى ما تحبه و ترضاه
اللهم إنا نسألك رضاك و الجنة
و نعوذ بك من سخطك و النار
اللهم صلى على حبيبنا محمد
صلى الله عليه و سلم
و الســـــلام عليكــــم و رحمـــــــــة اللـــــــــه و بركاتـه

 




المصدر : المنتدى الاسلامى - من الاستاذ سات
التوقيع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

رد مع اقتباس