الموضوع: عايز تموت إزاى
عرض مشاركة واحدة
  #1  
قديم 20-10-2006, 08:51 PM
الصورة الرمزية ABO SALAH
ABO SALAH ABO SALAH غير متواجد حالياً
مشرف سابق
 




معدل تقييم المستوى: 52 ABO SALAH will become famous soon enough ABO SALAH will become famous soon enough
Red face عايز تموت إزاى

 

واحد سألني.. عايز تموت إزاي ؟


واحد سألني.. عايز تموت إزاي ؟

عاوز تموت شهيد
يا تركب طيارة - يا تركب عبارة

عاوز تموت م الجوع
يا تشترى شقة - يا تشترى عربية بالقسط

عاوز تموت م الحسرة
يا تتفرج ع الفاترينات فى ستى ستارز - يا تروح زيارة لمارينا

عاوز تموت م الغيظ
يا تتفرج ع القنوات المحلية - يا تتفرج ع النشرة الجوية

عاوز تموت م الزهق
يا تستنى الإشارة لما تفتح - يا تستنى دورك فى الطابور فى التأمين الصحى
عاوز تموت م الهبل
يا تخش ع النت - ياتسمع نجوم الأف أم

عاوز تموت مخنوق
يا تروح مصلحة حكومية - يا تقرا الجريدة اليومية

عاوز تموت مفروووس
يا تِركَب تاكسى - يا تركِّب دش

عاوز تموت مرعوووووب
يا تستنى نتيجة الثانوية العامة - يا تستنى نتيجة التحاليل عند الدكتور

عاوز تموت مشهور
يا تتجوز رقاصة - يا تنصب على بنك

عاوز تموت مليونير
يا تعمل فيديو كليب - يا تلعب كورة

عاوز تموت ورا الشمس
يا تشغل مخك - يا تفتح بؤك

عاوز تموت منكاد
يا ترشح نفسك فى الانتخابات - يا تخش فى اتفاقيه الجات
عاوز تموت م الحزن
يا تفكر دايما فى أحوالك - يا تحط الحكومة فى بالك
عاوز تموت م الضحك
يا تتجوز اتنين - يا تشتغل مع المجانين

عاوز تموت ف حالك
اعمل نفسك دايماً .... مش واخد بالك

 




المصدر : المنتدى الاسلامى - من الاستاذ سات
التوقيع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]






عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
رد مع اقتباس